Samarqand shahridagi barcha bogʻcha va maktablar karantinga yopiladi

Samarqand shahridagi maktabgacha taʼlim muassasalari hamda umumiy oʻrta taʼlim maktablarida koronavirus infeksiyasini yuqtirib olish holatlari koʻplab kuzatilayotgani maʼlum qilingan.  
 
Infeksiyani yuqtirib olish koʻrsatkichi keyingi kunlarda bir necha barobar oshib borayotganligi bois shahar hokimligi huzuridagi epidemiyaga qarshi kurash favqulodda komissiyasining qarori tasdiqlandi.
 Unga koʻra, shahardagi barcha maktab va maktabgacha taʼlim muassasalarida 14 kunlik karantin joriy etildi, deya xabar beri shahar hokimligi.
 
Shu sababli oʻquvchilarga , 27-apreldan boshlab onlayn taʼlim berish tizimi yoʻlga qoʻyiladi.Xabar.uz