Oʻzbekistonda yangi oʻquv yilidan boshlab, darslar qanday shaklda yoʻlga qoʻyiladi?

Sanitariya-epidemiologiya nazorati markazlari taklifiga asosan mahalliy kengashlar qarorlariga koʻra ayrim maktablar karantinga yopilib, masofaviy tizimga oʻtkazilishi mumkin.
“Bunday holatlarda oʻquvchilar taʼlimni vaqtincha masofaviy shaklda uydan davom ettiradi. Oʻquvchining masofadan taʼlim olishiga imkoniyat yaratish maqsadida Milliy teleradiokompaniyaning telekanallari orqali ʻOnlayn maktabʻ loyihasi doirasida efirga uzatilayotgan darslar davom ettiriladi.
Shu oʻrinda Xalq taʼlimi vazirligi anʼanaviy taʼlimning toʻliq tiklanishi uchun barcha tizim xodimlaridan tezroq vaksina olishlarini soʻrab qoladi. Hech qanday eng zamonaviy masofaviy taʼlim tizimi ham bevosita maktabdagi taʼlim oʻrnini bosa olmaydi”, — deyiladi vazirlik xabarida.