Qarshida “Lacetti” yonib ketdi

Bugun Qarshi shahridagi markaziy koʻchalarning birida “Lacetti” rusumli avtomashina yonib ketgan. Qashqadaryo viloyat favqulodda vaziyatlar boshqarmasi holat yuzasidan maʼlumot berdi.
Maʼlum boʻlishicha, bugun taxminan soat 20:33 larda Qarshi shahar Favqulodda vaziyatlar boʻlimiga Qarshi shahar Mustaqillik koʻchasida avtomobilda yongʻin sodir boʻlayotganligi toʻgʻrisidagi xabar kelib tushgan.
Xabarga koʻra, voqea joyiga Qarshi shahar favqulodda vaziyatlar boʻlimidan 1 ta boʻlinma soat 20:35 da yetib borib, soat taxminan 20:41 lar atrofida yongʻinni toʻliq oʻchirgan.
 Yongʻin oqibatida “Lacetti” rusumli avtomobil zarar koʻrgan. Moddiy zarari aniqlanmoqda. Yongʻin natijasida hech kim tan jarohati olmaganligi maʼlum boʻldi.