Hududlarda “Yashil zamin” jamg’armalari tashkil etiladi

Davlatimiz rahbari atrof-muhitni muhofaza qilish sohasidagi ustuvor vazifalarga bagʻishlangan videoselektor yigʻilishida har bir hududning oʻziga xosligidan kelib ushbu hudud uchun mos boʻlgan daraxt koʻchatlarini koʻpaytirishi zarurligini taʼkidladi.
Misol uchun, Andijon, Paxtabod va Marhamat tumanlarida 30 dan ziyod pavlovniya yetishtiruvchi xoʻjaliklar tashkil etilgan va hozirda ular 5 million dona koʻchatlar ekishga tayyor.
Bunday xoʻjaliklarni qoʻllab-quvvatlash uchun hamda aholini sifatli koʻchatlar bilan taʼminlash maqsadida har bir hududda “Yashil zamin” jamgʻarmalari tashkil etiladi.
Viloyat hokimlariga oktyabr-noyabr oylarida “Yashil zamin” jamgʻarmasi mablagʻlari hisobidan kamida 5 million tup mevali va manzarali daraxt koʻchatlarini aholiga bepul tarqatish topshirigʻi berildi.