100 mingta murojaatni hokimlik o’z kuchi bilan hal qilish imkoni mavjud

Prezident Shavkat Mirziyoyev raisligida
boʻlib oʻtayotgan videoselektor yigʻilishidan:
Oʻtgan 6 oyda Xalq qabulxonalariga bandlik va tadbirkorlik masalalari boʻyicha kelib tushgan 100 mingta murojaatni toʻliq hokimlik kuchi bilan hal qilish imkoni mavjud.
Misol uchun, Pastdargʻomda tashkil etilgan Mahallabay ishlash markazi 117 ta mahallada xatlov oʻtkazib, 4 ming nafar ishsiz boʻlgan fuqarolarni aniqlagan va ularni kasb va tadbirkorlikka oʻqitish, biznes loyihalarini tayyorlash, kredit va subsidiya olishga koʻmaklashish orqali 3,3 ming nafarini band qilgan. Natijada, bugungi kunda aholi bandligini taʼminlash darajasi Pastdargʻomda 85 foizni tashkil etmoqda.
Yoki, bu borada Andijonda ham oʻziga xos yangi tajriba yaratildi. Jumladan, Andijon viloyatida ikki oy ichida 169 ta mahallada 30 mingta xonadon aʼzolarining bandligi taʼminlandi.
Bunday tashabbuslarni har bir viloyat, tuman va shahar hokimi koʻtarib chiqishi, bu orqali xalqni rozi qilishi kerak.