Oʻzbekistonda ekologiya politsiyasi tashkil etiladi

Prezident raisligida 24-avgust kuni oʻtgan videoselektorda daraxtlarni kesishga moratoriy 2024-yilga qadar uzaytirilgani haqida bildirildi.
Moratoriy davrida 316 ming dona qimmatbaho daraxt asrab qolingan. Biroq 2,8 mingta qimmatbaho va 2 mingdan ziyod kam qimmatli daraxtlar noqonuniy kesilgan.
Shundan kelib chiqilgan holda Ichki ishlar tizimida Toshkent shahri va viloyatlar markazlarida faoliyat yuritadigan ekologiya politsiyasi tashkil etiladigan boʻldi.
“Barcha rahbarlar bir narsani aniq eshitib olsin. Bundan buyon birorta „yashil hudud“ va jamoat parkida har qanday daraxtlarni kesish qat’iyan taqiqlanadi”, — dedi prezident.
Bundan tashqari prezidenti oktabr-noyabr oylarida 55 million, kelgusi yil bahor mavsumida 70 million daraxt ekishga koʻrsatma berdi.