“Spark” 150 metrli jarga tushib ketdi

Inson hayoti birgina toʻgʻri qilingan harakat yoki xato evaziga boy berilishi yoxud saqlab qolinishi mumkin. Bunga misollar juda koʻp. Masalan, 2021 yilning 1-oktyabr kuni Toshkent viloyati Boʻstonliq tumanidan o’tuvchi Toshkent-Chimyon yo‘lining 76 kilometrida oʻzining “Spark” rusumli avtoulovida Bildirsoy hududida harakatlanib ketayotgan O.N. ismli ayol kutilmaganda boshqaruvni yo‘qotib, 150 metr jarlikka tushib ketgan.
Voqea yuzasidan xabar soat 12:35 da Toshkent viloyati Favqulodda vaziyatlar boshqarmasi Chimyon yongʻin-qutqaruv otryadiga kelib tushgan. Shunga koʻra, bir guruh qutqaruvchi voqea joyiga yetib borib, haydovchi ayolga zarur amaliy va psixologik yordam koʻrsatgan hamda avtoulov jarlikdan tortib chiqarilgan.
Fuqaro xavfsizlik kamaridan foydalanib harakatlanganligi va avtoulov xavfsizlik yostiqchalarining oʻz vaqtida ishga tushganligi sababli hech qanday tan jarohati olmagan.