Ichki ishlar xodimlaridan qochib, yoʻlni belgilanmagan joyidan kesib oʻtayotgan ayolni mashina urib yubordi

Ijtimoiy tarmoqlarda «Ichki ishlar xodimlaridan qochayotgan ayollarni Spark urib yubordi» sarlavhasida videolavha tarqaldi.
Samarqand viloyati IIB ushbu holatga munosabat bildirdi.
«Joriy yilning 29-iyun kuni Samarqand shahri boʻyicha IIO FMB 5-son IIB xodimlari Samarqand shahrining Beruniy koʻchasida tilanchilik qilib yurgan shaxslarni Ichki ishlar boʻlimiga olib borishmoqchi boʻlganida, ushbu shaxslar xodimlardan qochmoqchi boʻlib, yoʻlning belgilanmagan qismidan yugurib oʻtayotgan vaqtida, shu yoʻlda harakatlanib kelayotgan “Spark” haydovchisi ulardan birini turtib yuborgan.
Hodisa yuzasidan tergovga qadar tekshiruv ishlari olib borilmoqda» deyiladi Samarqand viloyati IIB Axborot xizmati xabarida.