Mirziyoyev poytaxtga qancha pul ajratilishini ma’lum qildi

Prezidentlikka nomzod Shavkat Mirziyoyev Toshkentda saylovchilar bilan uchrashuv vaqtida poytaxtni ijtimoiy-iqtisodiy rivojlantirish uchun qancha pul ajratilishini ma’lum qildi.
— Umuman olganda, kelgusi besh yilda poytaxtning iqtisodiy va ijtimoiy rivojlanishiga, davlat hisobidan 70 trillion so‘m ajratiladi.
Albatta bu ozmuncha pul emas, ammo Toshkentni rivojlantirish uchun albatta shuncha mablag‘ ajratishimiz shart. Bu pulni bugun bermasak, ertaga kech bo‘ladi. Vaqt bizning foydamizga ishlamayapti, ko‘proq va tezroq ishlashimiz kerak, — dedi Shavkat Mirziyoyev.