Marg’ilon shahar xalq ta’limi bo’limi mudiri qo’lga olindi

Avvalroq OAVda Margʻilon shahar xalq taʼlimi boshqarmasi boshligʻiga nisbatan jinoiy ish qoʻzgʻatilgani va uning qamoqqa olingani haqida xabarlar tarqalgan edi. Bosh prokuratura matbuot kotibi Hayot Shamsutdinov vaziyatga izoh berdi.
Maʼlum boʻlishicha, Margʻilon prokuraturasi tomonidan shahar xalq taʼlimi boshqarmasi xodimlariga nisbatan qoʻzgʻatilgan jinoyat ishi boʻyicha tergov harakatlari olib borilmoqda.
Tekshiruv davomida Margʻilon shahar xalq taʼlimi boshqarmasining sobiq rahbari qurilish-taʼmirlash ishlariga 1 milliard 700 million soʻm sarflagani va mablagʻlarni oʻzlashtirish, shuningdek, davlat manfaatlariga zarar yetkazishda gumon qilinayotgani maʼlum boʻldi. 1-noyabr kuni u gumondor sifatida ushlangan.
Hozirda tergov ishlari davom etmoqda.