Kimlar gripga qarshi bepul emlanadi ?

Bu haqda Maktabgacha taʼlim vazirligi oʻzining rasmiy telegram kanali orqali xabar bermoqda.
Yurtimiz hududida gripp yuqtirish va uning ogʻir asoratlarining oldini olish maqsadida barcha maktabgacha taʼlim yoshidagi va 1-sinf oʻquvchilarini grippga qarshi bepul markazlashgan holda emlash amalga oshirilishi rejalashtirilgan.
Buning uchun Respublika miqyosida 2753 ta emlash punktlari tashkil etilgan boʻlib, emlash ishlarini amalga oshirish uchun 2 mln doza vaksina olib kelinishi moʻljallangan.