Mart oyida koronavirusga qarshi emlanadiganlar soni ma’lum qilindi

                                      Foto: Innovatsion rivojlanish vazirligi
 Oʻzbekistonda birinchilardan boʻlib koronavirusga qarshi vaksina aholining xavf ostidagi qatlamiga berilishi haqida xabar qilingan edi. Sanitariya-epidemiologik osoyishtalik va jamoat salomatligi xizmati mutaxassisi Vazira Mutalovaning maʼlum qilishicha, respublika boʻylab ularning soni 4 112 668 nafar fuqaroni tashkil etadi.Shundan:
 65—74 yoshgacha boʻlgan qariyalar - 1 085 797 nafar;
 75 yoshdan 84 yoshgacha boʻlgan keksalar  - 388 686 nafar;
 85 yosh va undan yuqori yoshdagi keksalar  - 139 280 nafar;
 Tibbiyot xodimlari - 447 ming 976 nafar;
 Surunkali kasalliklari bor aholi (18−65 yosh) -   888 190 nafar;
 Maktab oʻqituvchilari -  689 383 nafar;
 Maktabgacha ta’lim muassasasi xodimlari - 223 426 nafar;
 Qurolli kuchlar va huquqni muhofaza qiluvchi organlar xodimlari - 180 ming nafar.
 Ular oʻzlari joylashgan hududlardagi tibbiyot muassasalarida tashkil etilgan emlash xonalarida emlanadi.
 Oʻzbekistonda koronavirusga qarshi aholini emlash   ishlari mart oyining birinchi yarmidan boshlanadi, deb xabar beradi daryo.uz.