Bog‘cha binosidan jasad topildi

Joriy yilning 20 noyabr kuni soat 07:00larda Farg‘ona viloyati, Qo‘shtepa tumanidagi «Qo‘rg‘oncha» mahallasi Paxtaobod ko‘chasida joylashgan 27-maktabgacha ta’lim tashkiloti binosida bir nafar fuqaroning jasadi topilgan. Bu haqda tuman IIB ma’lumot bergan.
Sud tibbiy ekspertizaning dastlabki xulosasiga ko‘ra, u is gazidan zaharlangan deya birlamchi xulosa berilgan.
Qo‘shtepa tumani hokimining tegishli qarori bilan sodir bo‘lgan mazkur baxtsiz hodisani o‘rganish yuzasidan tuman komissiyasi tarkibi tasdiqlangan.