Bogʻchalardan birida koronavirus aniqlandi

Joriy yilning 13-mart kuni Toshkent shahri Olmazor tumanidagi 117-sonli davlat maktabgacha taʼlim muassasasida 2 nafar tarbiyalanuvchi va 2 nafar tarbiyachida koronavirus infeksiyasi aniqlangan, deb xabar beradi Koronavirus Info.
15-mart kuni esa ushbu maktabgacha taʼlim muassasasining ish faoliyati vaqtincha toʻxtatildi. 
“Aholining sanitariya-epidemiologik osoyishtaligi toʻgʻrisida”gi qonun 12-moddasi “j” bandiga asosan maktabgacha taʼlim tashkiloti xodimlari va tarbiyalanuvchilari 14 kunlik tibbiy nazoratga oʻtkaziladi.