Xodim mehnat ta’tilisiz ishlashi qonuniymi?

Mehnat kodeksining 134-moddasiga asosan, xodimlarga oʻn besh ish kunidan kam boʻlmagan muddat bilan yillik asosiy ta’til beriladi. Bu mehnat qonunchiligidagi kafolat sanalib, bir yil ishlagan xodim kamida oʻn besh ish kunidan iborat ta’til olishga haqli.
Ish beruvchi tomonidan belgilangan ta’tilni bermaganlik mehnat va mehnatni muhofaza qilish toʻgʻrisidagi qonunchilikni buzganlik boʻyicha Ma’muriy javobgarlik toʻgʻrisidagi kodeksning 49-moddasiga asosan javobgarlikka tortilishi uchun asos boʻladi.
Mehnat kodeksining 143-moddasiga asosan, ta’til har yili, shu ta’til berilayotgan ish yili tugagunga qadar berilishi lozim. Bu ish beruvchiga majburiyat sifatida belgilangan foida hisoblanadi.
Mehnat kodeksining 144-moddasiga koʻra yillik ta’tillarni berish navbati kalendar yil boshlangunga qadar ish beruvchi tomonidan kasaba uyushmasi qoʻmitasi yoki xodimlarning boshqa vakillik organi bilan kelishib tasdiqlanadigan jadvalga muvofiq belgilanadi. Ushbu ta’tillar jadvali lokal hujjat sanalib, u xodimlar va ish beruvchilar tomonidan bajarilishi kerak.
Yuqoridagi normalardan xulosa qilib aytishimiz mumkinki, xodim mehnat ta’tiliga chiqmaslikka haqli emas.