Onalarga toʻlanadigan aliment miqdori qancha?

Oila kodeksining 118-moddasiga asosan, yetarli mablagʻga ega boʻlgan sobiq erdan sobiq xotin homiladorlik davrida va oʻrtada bola tugʻilgan kundan boshlab uch yil davomida aliment talab qilish huquqi borligi belgilangan. Mazkur kodeksning 119-moddasiga muvofiq esa bunday aliment har oyda pul bilan toʻlanadigan qat’iy summada belgilanishi, biroq bu summa qonunchilikda belgilangan mehnatga haq toʻlash eng kam miqdori (822 000 soʻm) ning 11,75 foizi (96 585 soʻm)dan kam boʻlmasligi lozimligi koʻrsatilgan.