UZCARD va HUMO kartalari uchun bitta terminal bo’ladi

Markaziy bank axborot xizmati ma’lum qilishicha, UZCARD va HUMO terminallari ikkala toʻlov tizimining kartalarini oʻzaro qabul qilishlari uchun takomillashtirildi.
Yaqin kelajakda kassir tomonidan har bir karta uchun turli terminallarning taklif qilinishi shart boʻlmaydi — savdo va xizmat nuqtalari ikkala toʻlov tizimiga xizmat koʻrsatadigan bitta apparatga ega boʻladi, deyiladi xabarda.
Terminal har ikkala turdagi kartalarni qabul qilishni boshlashi uchun uni yangilash kerak. Yaqin vaqt ichida banklarga bunday yangilashni amalga oshirish uchun zarur koʻrsatmalar beriladi.