Milliy gvardiya Qoʻriqlash xizmati xodimlari uchun imtiyozlar

Prezidentning 2021-yil 20-fevraldagi “Oʻzbekiston Respublikasi Milliy gvardiyasi Qoʻriqlash bosh boshqarmasining faoliyatini sifat jihatidan yangi bosqichga koʻtarish chora-tadbirlari toʻgʻrisida”gi PQ-4997-sonli qaroriga koʻra, uy-joy olish va uy-joy sharoitlarini yaxshilashga muhtoj deb topilgan Qoʻriqlash bosh boshqarmasi xodimlari qonun hujjatlarida belgilangan tartibda uy-joy maydonini olish huquqiga ega.
Qoʻriqlash bosh boshqarmasi oʻzining uy-joy fondiga ega boʻlishga haqli.
Qoʻriqlash bosh boshqarmasi xodimlariga xizmatni oʻtash davrida uy-joy quyidagilar hisobidan berilishi mumkin:
– mahalliy davlat hokimiyati organlari hisobidan;
– obyektlari va mol-mulki qoʻriqlanayotgan tashkilotlar tomonidan ularning xodimlari va xizmatchilari bilan umumiy asoslarda;
– Milliy gvardiya hisobidan;
– Qoʻriqlash bosh boshqarmasining oʻz mablagʻlariga qurilgan uy-joy fondi hisobidan.
Yotoqxonaga ega boʻlgan tashkilotlar shartnoma asosida ulardan Qoʻriqlash bosh boshqarmasi boʻlinmalari xodimlariga turar-joy beradilar.