Kredit mablagʻlarini oʻzlashtirgan MCHJ rahbarlari aniqlandi

Bosh prokuratura huzuridagi Departamentning Boysun tuman boʻlimi tomonidan oʻtkazilgan tergovga qadar tekshiruvlarda, “SH.G.” MCHJ rahbari O.T. va “T-D.” MCHJ rahbari O.Ch.lar hududdagi tijorat banki filialidan limonchilikni tashkil etish va rivojlantirish uchun 19 nafar fuqaroga ajratilgan jami 359,3 mln soʻm kredit mablagʻini taʼminotchi sifatida oʻzlarining hisob raqamiga oʻtkazib olib, talon-toroj qilganliklari aniqlangan.
Mazkur holatlar yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) bilan va 228 moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishlari qoʻzgʻatilib, tergov harakatlari oʻtkazilmoqda.