“Agar zarur sanitariya qoidalariga rioya qilinmasa, Oʻzbekistonda karantin choralari yana kuchaytirilishi mumkin” – Bahodir Yusupaliyev

Agar oʻzbekistonliklar zarur sanitariya  qoidalariga rioya qilmasa, mamlakatda karantinni kuchaytirish choralari koʻrib chiqilishi mumkin. Bu haqida Sanitariya-epidemiologik osoyishtalik va jamoat salomatligi xizmati boshligʻi Bahodir Yusupaliyev maʼlum qildi, deya xabar bermoqda daryo.uz.

 Maʼlumki, koronavirusning barcha yangi turlari chetdan kirib kelmoqda.

 Shuningdek, Bahodir Yusupaliyev Oʻzbekiston aholisini joriy etilgan cheklovlar – niqob taqish, masofa saqlash, anteseptiklardan foydalanishga rioya qilishga chaqirdi.

 “Respublika fuqarolariga murojaat qilib, ulardan zaruriyat boʻlmasa, koronavirusning yangi turlari aniqlangan mamlakatlarga sayohatga bormasliklarini soʻrayman. Agar respublikada joriy qilingan cheklov choralariga birgalikda amal qilmasak, zaruratsiz boshqa davlatlarga chiqsak, karantin choralarini kuchaytirilishi va Oʻzbekistonda aviaqatnovlarga cheklovlar qoʻyilishi mumkin”, - dedi Bahodir Yusupaliyev deb yozadi tez.news.