Bulungʻurda konservadan zaharlangan shaxs vafot etdi, yana bir bemor esa ogʻir ahvolda

Joriy yilning 7-fevral kuni bulungʻurlik 2001-yilda tugʻilgan I.E. tez tibbiy yordam mashinasida olib kelingan. Tibbiy tekshiruvlardan soʻng unga botulizm tashxisi qoʻyildi.

Tibbiy surishtiruv davomida bemor qishloqdoshi A.T. xonadonida bir kun oldin besh nafar kishi bilan palov va uy sharoitida tayyorgan konserva isteʼmol qilganligi aniqlandi, deya xabar qildi Samarqand viloyati sogʻliqni saqlash boshqarmasi.

Tezkor tadbir davomida tez tibbiy yordam mashinasida A.T., uning turmush oʻrtogʻi G.T., oʻgʻli Sh.T va qoʻshnisi B.B.lar shifoxonaga olib kelindi.

Muolajalarga qaramasdan I.E.ning axvoli tobora ogʻirlashib, 8-fevral kuni  olamdan oʻtgan.

U bilan birga uy sharoitida tayyorlangan konservadan zaharlangan toʻrtala bemor rayenimatsiya postida statsionar sharoitda davolanmoqda.

Bemor Sh.T. ahvoli ogʻirligicha qolmoqda. U suʼniy nafas olish apparati yordamida muolaja olmoqda. A.T., G.T. va B.B.larning umumiy ahvollari oʻrta ogʻir, deb yozadi xabar uz.