Oʻzbekistonga tekbol kirib kelmoqda

Oʻzbekistonda sportning yangi turi -   tekbol rasman tan olinishi rejalashtirilgan, deb yozadi Batafsil.uz.  
Tekbol futbol va stol tennisi qorishmasi hisoblanadi. Toʻpni birgina qoʻl bilan oʻynab boʻlmaydi. Inson tanasining qolgan barcha aʼzolari bilan toʻpga teginish mumkin. Faqat toʻpga ketma-ket tananing bitta aʼzosi bilan zarba berilishiga ruxsat etilmaydi. Maqsad - toʻpni raqib tomon maydonchasiga tushirish.
Ushbu sport turi 2014-yilda ikki nafar vengriyalik futbol muxlislari tufayli paydo boʻlgan. 5 yil ichida tekbol sportchilar uchun sevimli dam olish usuli va futbolchilarning professional trenajyoriga aylanib ulgurgan. Messi, Neymar, Alison va boshqa koʻplab mashhur futbolchilar maxsus egri stol ustida Ronaldinyoning sevimli oʻyini oʻynab, oʻzlarining toʻp bilan ishlash mahoratini oshirib kelishmoqda.