«Uzbekistan airways» - 50 foizgacha chegirmalar

Navroʻz bayrami munosabati bilan oʻtkazilayotgan aksiya doirasida 2021-yil 20 – 22-mart kunlari Oʻzbekiston Respublikasi fuqarolari uchun mahalliy yoʻnalishlardagi qatnovlarga 30 foizdan 50 foizgacha chegirmalar belgilandi. Bu haqda kompaniya tomonidan xabar berildi.
 
Qayd etilishicha, ushbu aksiya doirasida quyidagi chegirmalar taqdim etiladi:
 

• individual yoʻlovchilar uchun – 30 foiz;
• sayyohlik guruhlari (5 va undan ortiq kishi), maktab oʻquvchilari, litsey, kollej va oliy oʻquv yurtlari talabalari, Oʻzbekiston Respublikasi IIV, MV, DXX, DSQ, DBQ va boshqa idoralar tizimi maxsus taʼlim muassasalari oʻquvchilari va tinglovchilari uchun – 40 foiz;
• oila uchun (2 va undan ortiq kishi, yaʼni er va xotin ularning 18 yoshgacha boʻlgan farzandlari, 18 yoshgacha boʻlgan farzandlari bor boʻlgan ota yoki 18 yoshgacha boʻlgan farzandlari boʻlgan ona) uchun – 50 foiz;
• pensionerlar va nogironligi boʻlgan shaxslar uchun – 50%,

1941-1945-yillardagi urush qatnashchilari va ularga tenglashtirilgan shaxslar uchun – 50 foiz;

• Chernobil AES fojiasi oqibatlarini bartaraf etishda ishtirok etgan fuqarolar uchun – 50 foiz;

Mahalliy yoʻnalishlarda amalga oshirilayotgan qatnovlar: 
 
Urganch - Fargʻona
Fargʻona - Urganch
Toshkent - Nukus
Nukus - Toshkent
Toshkent - Urganch
Urganch - Toshkent
Toshkent - Termiz
Termiz - Toshkent