Rossiyalik ish beruvchilar bilan muzokaralar oʻtkazildi

Tashqi mehnat migratsiyasi agentligining Yekaterinburgdagi vakolatxonasi masʼul xodimlari va Chelyabinsk shahridagi tadbirkorlar, oʻzbek diasporalari vakillari hamda mehnat migrantlari bilan uchrashuvi tashkil etildi.
2020-yil 15-sentyabrdagi “Xavfsiz, tartibli va qonuniy mehnat migratsiyasi tizimini joriy qilish chora-tadbirlari toʻgʻrisida”gi Prezident qarori asosida Oʻzbekiston fuqarolarini chet elga vaqtincha mehnat faoliyatini amalga oshirish uchun tashkillashtirilgan holda yuborish hajmini oshirish, tashqi mehnat migratsiyasi sohasida xalqaro hamkorlikni rivojlantirish, xorijdagi vatandoshlar tashkilotlari va oʻzbek diasporalari bilan aloqalarni mustahkamlash tizimi joriy etilgani alohida taʼkidlandi.
Uchrashuvda rossiyalik ish beruvchilar bilan boʻsh ish oʻrinlariga Oʻzbekiston fuqarolarini ishga jalb qilish masalalari muhokama qilindi.