Namangan viloyatida nomaʼlum maxluqning skeleti topildi

Olimlar Namanganda topilgan nomaʼlum maxluq skeletini qirilib ketgan jonzotlar turiga mansub ekanligini taxmin qilmoqda.

Noyob topilma Namangan tumani Qoratepa qishlogʻida Ubaydullayev Najmiddin xonadonida aniqlangan. Xonadon egasi issiqxona tashkil etish maqsadida qazish ishlarini olib borayotgan vaqtda bus-butun holda saqlangan nomaʼlum hayvon suyak qoldiqlariga duch kelgan.


Namangan viloyat tarixi va madaniyati davlat muzeyi xodimlari, Namangan davlat universiteti olimlari birgalikda olib borgan tekshirish xulosalariga koʻra, mazkur hayvon skeleti dinazavrlarning indrokateriy turiga mansub yirik sut emizuvchi ekanligi taxmin qilinmoqda.
Tekshirish ishlarini Muzey xodimlari Karimov M., Karimov I., Namangan davlat universitetining arxeologiya kafedrasi arxeologi Shukurullo Nasriddinov va biologiya kafedrasi dotsenti Erkin Ikromovlar olib borgan.