14 yoshli qizaloqning nomusiga tekkan shaxslar bilan bogʻliq holat boʻyicha munosabat

Shu kunlarda internet nashrlarida Toshkent viloyati Oʻrtachirchiq tumanida sodir boʻlgan voqea boʻyicha “14 yoshli qizaloqning nomusiga tekkan shaxslar jazosiz qolmoqda” sarlavhasi ostida eʼlon qilingan xabar ijtimoiy tarmoqlarda hamda jamoatchilik orasida keng muhokama qilinmoqda.  
Mazkur holat Senatning Mudofaa va xavfsizlik masalalari qoʻmitasi tomonidan oʻrganib chiqildi.
Oʻrganish natijasida, Oʻrtachirchiq tuman prokurori tomonidan ushbu holat boʻyicha jinoyat ishi qoʻzgʻatilib, dastlabki surishtiruv harakatlarini olib borish uchun tuman IIB huzuridagi Tergov boʻlimiga yuborilganligi, bugungi kunda tergov ishlari olib borilib, jabrlanuvchi, gumonlanuvchi va guvohlar bergan koʻrsatmalari tergov davomida tekshirilib, tayyorlangan sudga oid ekspertiza hulosalari olinganidan soʻng qonuniy yechim topishi aniqlandi.
Senatning Mudofaa va xavfsizlik masalalari qoʻmitasi tomonidan tergov ishi har tomonlama toʻla va xolisona olib borilishi hamda yakunlari boʻyicha qonuniy qaror qabul qilinishi nazoratga olindi.
Tergov yakuni boʻyicha qoʻshimcha axborot beriladi, dub xabar beradi Oʻzbekiston Respublikasi Oliy Majlisi Senatining Mudofaa va xavfsizlik  masalalari qoʻmitasi.