Qidiruv eʼlon qilindi

Maʼlum qilinishicha, joriy yilning yanvar oyida “Effect.uz” saytida ushbu saytning xodimlari jinoyat ishlari boʻyicha Termiz tumani sudi raisi xizmat xonasiga bostirib kirib, sud majlisida ishtirok etish va jarayonni tasvirga olishni talab qilishganligi haqida videoyozuv chiqarilgan.  
Olib borilgan tergov harakatlari jarayonida jinoyat ishiga aloqador boʻlgan “Effect.uz” axborot agentligining 2 nafar muxbiri va 1 nafar ayol koʻplab marotaba tergov organiga rasman chaqirtirilgan boʻlsa-da, nomaʼlum sabablarga koʻra kelishdan boʻyin tovlashgan.

Ehtiyot chorasi qoʻllanildi

Shunga koʻra, tergov davomida 2 nafar shaxsga nisbatan JKning 219 va 236-moddalari bilan sirtdan ayb eʼlon qilinib, sudning ajrimi bilan “qamoqqa olish” ehtiyot chorasi hamda 1 nafari (ayol) ga JKning 139 va 140-moddalari bilan sirtdan ayb eʼlon qilinib, “munosib xulq-atvorda boʻlish toʻgʻrisida tilxat” tarzidagi ehtiyot chorasi qoʻllanilgan va ularga nisbatan qidiruv eʼlon qilingan, Darakchi.uz.