Bosh prokuratura huzuridagi Departamentning Toshkent shahar boshqarmasi tomonidan oʻtkazilgan tergovga qadar tekshiruvda, fuqaro S.S. “R.L.” va “O.N.” MCHJlarni norasmiy ravishda yuritib kelgan.

Firibgarlikni qanday amalga oshirdi? 

Xabar berilishicha,  jamiyat rahbarlari va boshqalar bilan oldindan til biriktirib, 34 nafar fuqarolarni goʻyoki mazkur jamiyat ishchilari sifatida rasmiylashtirib, ularning xabardorligisiz tijorat bank filiallari orqali “JOYDA” mobil ilovasi yordamida 897 mln soʻm “onlayn” kredit mablagʻlarini firibgarlik yoʻli bilan qoʻlga kiritgan. Olingan kreditning 769,7 mln soʻmini qaytarmasdan, oʻz ehtiyojlari uchun sarflab yuborganligi aniqlangan.

Mazkur holat yuzasidan Jinoyat kodeksining tegishli moddalari bilan jinoyat ishi qoʻzgʻatilib, tergov harakatlari oʻtkazilmoqda.