405,9 millon so’mlik noqonuniy telefonlarning aylanmasiga chek qo’yildi

Tovar-moddiy boyliklarning noqonuniy aylanuvini oldini olish yuzasidan bojxona organlari tomonidan samarali kurash olib borilmoqda.
Oʻtkazilgan navbatdagi tadbir davomida, Toshkent shahar bojxona boshqarmasi Kontrabandaga qarshi kurashish va bojxona auditi boʻlimi xodimlari IIB xodimlari bilan hamkorlikda fuqaro B.I. boshqaruvidagi “Kobalt”   rusumli avtotransport vositasini Yangihayot tumani hududida toʻxtatib, koʻzdan kechirishdi.
Natijada, avtotransport vositasining tom qismidagi yukxonada 5  dona korobkalarga joylashtirilgan xorijda ishlab chiqarilgan, Respublikamizga qonuniy olib kirilganligini tasdiqlovchi hech qanday hujjatlari boʻlmagan, umumiy qiymati 405,9 mln. soʻmlik 151 dona “Redmi” va “Samsung” rusumli uyali telefon vositalari borligi aniqlandi.
Hozirda yuqoridagi holat yuzasidan bojxona organlari tomonidan surishtiruv harakatlari davom ettirilmoqda.