Hujjatlarda ko’rsatilmagan tovarlar aniqlandi

Bojxona qonunbuzilishi holatlariga qarshi bojxona organlari tomonidan tizimli ravishda kurash olib borilmoqda.
Hujjatlarda koʻrsatilmagan tovarlar fosh boʻldi.
Xususan, Namangan viloyati bojxona boshqarmasi Kontrabandaga qarshi kurashish va bojxona auditi boʻlimi hamda “Namangan” tashqi iqtisodiy faoliyat bojxona posti xodimlari tomonidan xorijiy mamlakatdan mazkur viloyatda faoliyat yurituvchi korxonalardan birining nomiga keltirilgan import tovarlari belgilangan tartibda bojxona koʻrigidan oʻtkazildi.
Natijada, yuklar orasida yoʻl yuk-kuzatuv hujjatlarida koʻrsatilmagan, umumiy qiymati 121 million soʻmlik tikuvchilikda foydalaniladigan 4 ming 845 m2 sintetik matolar hamda ogʻirligi 1386 kg. boʻlgan qadoqlashda ishlatiladigan matolar borligi aniqlandi.
Hozirda mazkur holat yuzasidan bojxona organlari tomonidan surishtiruv harakatlari olib borilmoqda.