Checheniston davlat rahbari Ramzan Qodirov muftiy Usmonxon Alimov vafoti yuzasidan hamdardlik bildirdi

«Ular 1980 yillardan beri tanish edilar, Toshkent islom institutida birga o‘qishgan. Men ham Usmonxon Alimov bilan ko‘p marta uchrashganman. Biz nafaqat Grozniyda, balki O‘zbekistonda ham ko‘rishganmiz. Toshkentga safarim chog‘ida u meni juda samimiy kutib oldi, yuqori darajadagi mehmondo‘stlikni taʼminladi, Ahmad Hoji bilan o‘qigan yillarini esladi va bu haqda gapirdi. U juda dono, taqvodor va kamtar odam edi», — degan u.

«U o‘z hayotini islom dinini o‘rganish va tarqatishga bag‘ishlagan, u Qurʼon va Sunnat haqida bebaho bilim olgan ko‘plab taniqli islom odamlarini tarbiyalagan. 2006 yildan O‘zbekiston musulmonlari idorasi raisi vazifasida faoliyat olib borgan. Shayx vaʼzlarida har doim yaxshilikka chaqirib, haromdan ehtiyot bo‘lishni aytgan. Shu kunlarda bizning qalbimiz qardosh O‘zbekiston xalqi bilan. O‘zbekistonning muhtaram Prezidenti Shavkat Mirziyoyevga, Shayx Usmonxon Alimovning oilasi va yaqinlariga samimiy hamdardlik bildiraman! Alloh taolo birodarimizga rahm qilsin!», — degan Checheniston rahbari.