“Hali sevar ekanman”

Bir  joyda  oʻqib  qoldim:
-Sevgi  tamom  boʻlarmish,
Oila  qurilgach, u
Ildizidan  soʻlarmish.
Oʻylab  toldi, boshginam
Uni  koʻrsam, titroq  bor.
Tanam  jimirlab  ketar
Paydo  boʻlsa, yoʻlda yor.
Telefonda  gaplashsam,
Qoʻl  qaltiroq,  hayajon.
Qizim  kular  qiqirlab,
-Bu  nimasi, ayajon!
Koʻzim  olib  qochaman.
Suhbatida  qarasa,
Muhabbatim oshadi
Betob  kunim  yarasa!
Qoʻllarim ushlab desa:
“Oʻt, onasi  bu  yoqdan”
Tanamga  kirib  titroq
Qalbim  uzilar  chokdan.
Eshitsam,  qizaraman,
Davralarda  u  haqda
Chunki undayin  inson,
Men-chun  hayotda  yoʻqda!
Gulday  ikki  bolam  bor
Dildan  suyar  ekanman.
Sir  emas,  dadasini
Hali  sevar  ekanman!

Navoiy viloyati  Karmana tumani 8-umumtaʼlim maktabi ingliz tili fani oʻqituvchisi Feruza Kiyasova