Svetoforni kim yaratgan?

Yer yuzidagi birinchi svetofor Buyuk Britaniyada, Londondagi parlament binosi oldida oʻrnatilgan. Uning ixtirochisi angliyalik temiryoʻl xodimi Jon Pik Nayt hisoblanadi. Ilk svetofor qoʻl bilan boshqarilgan va undagi belgilardan biri toʻxtashni, ikkinchisi ehtiyotkorlik bilan harakatlanishni bildirgan.

Elektr toki bilan ishlaydigan birinchi svetofor esa Lester Vayr ismli kashfiyotchi tomonidan AQSHning Solt-Leyk Siti shahrida 1912-yilda  oʻrnatilgan. U faqat qizil va yashil rangli chiroqlardan iborat edi. Svetoforga sariq chiroq 1920-yilda qoʻshilgan.

Uch rangli svetoforlar dastlab AQSHning Nyu-York va Detroyt shaharlarida oʻrnatilgan.