JSST koronavirusga qarshi vaksinalar bepushtlikka olib kelishi haqidagi mish-mishlar nechogʻlik toʻgʻri?

Tashkilot vakili koronavirusga qarshi qo‘llashga ruxsat berilgan vaksinalar xavfsiz ekanini taʼkidladi.

Butunjahon sog‘likni saqlash tashkiloti immunizatsiya departamenti boshlig‘i Keyt O Brayen koronavirusga qarshi vaksinalar bepushtlikka olib kelishi mumkinligi haqidagi gaplarni rad etdi. Uning so‘zlariga ko‘ra, qo‘llanishga ruxsat berilgan vaksinalardan birortasi bunday oqibatga olib kelmaydi.

“Vaksinalar haqidagi bu mishmishlar haqiqatga to‘g‘ri kelmaydi”- dedi u. Shuningdek, O Brayen bepushtlikka olib keluvchi birorta ham vaksina yo‘qligini aytdi.

Bundan tashqari, JSST vakili turli mamlakatlarda koronavirusga qarshi qo‘llanilayotgan preparatlar inson organizmi uchun mutlaqo xavfsiz ekani, uni qo‘llashdan oldin obdon test o‘tkazilishini aytdi, deb xabar beradi zamon.uz.