Tinch okeanidagi Vanuatu orol-davlatida kuchli zilzila kuzatildi

Tinch okeani janubida, Okeaniyada joylashgan Vanuatu orol-davlatida 6,7 balli zilzila sodir boʻldi.

Mamlakat poytaxti Port-Viladan 88 kilometr olisda - Korall dengizi akvatoriyasida joylashgan zilzila markazida magnituda 6,8 ballga tenglashgan. Yer silkinishi intensivligi boʻyicha “vayronkor” sifatida tasniflandi.

Jabrlanganlar haqida maʼlumot berilmagan, sunami xavfi ham eʼlon qilinmagan.

Vanuatu sohillariga yaqin hududda sal avvalroq 5,1 balli zilzila kuzatilgandi.

Fevral oyida sayyoramizning turli nuqtalarida kuchli zilzilalar sodir boʻldi: 13-fevral kuni bir yoʻla ikki mamlakatda — Armanistonda 6-7 balli, Yaponiyada  7 balli yer silkinishlari kuzatilgandi.

Foto: “Global Look Press”