Texasda qattiq sovuqdan aziyat chekkan toʻrt mingdan ortiq dengiz toshbaqalariga yordam koʻrsatildi

Texasda koʻngillilar mintaqadagi gʻayritabiiy muzlashdan aziyat chekayotgan 4700 dan ortiq dengiz toshbaqalarini qutqarishdi. Reuters maʼlumotiga tayanib, xabar bermoqda Esquire.

Toʻsatdan sovuq tushishi tufayli toshbaqalar harakat qilish qobiliyatini yoʻqotdi. Yordam koʻrsatuvchilar hayvonlarni Janubiy Padre orolining qirgʻogʻidan shaharning konvensiya markaziga koʻchirishdi.

“Sea Turtle” notijorat fondi direktor Vendi Naytning taʼkidlashicha, toshbaqalarga yordam koʻrsatishda, ularni parvarishlash, elektr generatori bilan taʼminlashda SpaceX kompaniyasining koʻmagi katta ahamiyat kasb etdi. Barchamizga maʼlum va mashhur Ilon Maskga tegishli ushbu kompaniya bir necha yillardan beri koʻplab xayriya tashkilotlariga hamkorlik qilib kelmoqdi.

Foto: Esquire