Firibgarlik

2018-yil 11-noyabr kuni Toshkent shahar Shayxontoxur tumanida davlat roʻyxatidan oʻtkazilgan “Интернатионалжоб Организатион – xususiy bandlik agentligi” MCHJ mas’ul xodimlari fuqarolarni chet el davlatlarida ishga joylashtirish bilan shugʻullanib, respublikaning barcha viloyatlarida jamiyatning filiallarini ochib, ish faoliyatlarini yuritib kelib, fuqarolarni ishga joylashtirish bilan qiziqtirib, fuqarolar va jamiyat oʻrtasida “Oʻzbekiston Respublikasi fuqarolarini chet el davlatlarida ish bilan ta’minlash va xizmat koʻrsatish boʻyicha” shartnomalar imzolab, ma’lum miqdorda pul mablagʻlarini olib kelishgan, ushbu holatlardan ijtimoiy tarmoqlarda xabar topgan fuqaro Shonazarov Alisher Qaxromon oʻgʻli 14.12.2019-yilda Germaniya davlatiga ishga borish istagi bilan jamiyatning Navoiy viloyati boʻyicha mas’ul xodimi A.Shukurovga kelib uchrashgan, u A.Shonazarovni Polsha davlatida amaliyot oʻtab, soʻng Germaniyaga ishga yuborishni va’da qilib, hech qanday shartnoma tuzmasdan 1.000 AQSH dollari miqdoridagi pullarini olib, uni ishga joʻnatmasdan qoʻlga kiritilgan pul mablagʻlarini ehtiyoji yoʻlida sarflab yuborgan. 
Mazkur holat yuzasidan 2021-yil 10-iyul kuni Navoiy shahar IIO FMB 3-sonli IIB huzuridagi TG katta tergovchisi B.A.Raxmatov tomonidan fuqaro Shukurov Alisher Baxodirovichga nisbatan Oʻzbekiston Respublikasi JKning 168-modda 3-kismi “b” bandi bilan 124011/2021-142-sonlijinoyat ishi qoʻzgʻatilgan.
 
Navoiy shahar IIB JQB katta tezkor vakili katta leytenent Ismoilov Sardor