Navoiy viloyatida ikki nafar oʻqituvchiga “Cobalt” avtomobili sovgʻa qilindi

Navoiy viloyati Navbahor tumanida oʻzining fidoyiligi, mehnatsevarligi bilan oʻquvchilarga ta’lim va tarbiya berib kelayotgan ikki nafar oʻqituvchiga "Cobalt"avtomobili sovgʻa qilindi. 
Avtomobil sovgʻasi topshirilgan 1-maktabning fizika fani oʻqituvchisi Sohiba Navroʻzova hamda 20-maktabning geografiya fani oʻqituvchisi Obidjon Saydaxmetov oʻz faoliyatlari davomida yuzlab bitiruvchilarni oliy ta’lim muassasalariga oʻqishga kirishiga hissa qoʻshgan.
Xususan, Navbahor tumanida oʻtgan 2021-yil bitiruvchilarining 76,6 foizi oliy ta’lim muassasalariga qamrab olinganligi ham oʻqituvchilarimizning yaratib berilayotgan imkoniyatlardan keng foydalangan holda oʻquvchilarga yuqori sifatda ta’lim berayotganidan dalolatdir.
Aytish joizki, oʻqituvchilarga berilayotgan bunday e’tibor sohadagi islohotlarni yangi bosqichga koʻtarishda oʻziga xos motivatsiya boʻlib xizmat qiladi.