Uchquduq tumanida musobaqa bo’lib o’tdi

Joriy yilning 18-19-fevral kunlari  Uchquduq tumani "Lochin" sog‘lomlashtirish sport kompleksida O‘zbekiston Respublikasi Prezidentining 2020-yil 30-oktabrdagi PF-6099 –sonli farmoni hamda O‘zbekiston Respublikasi Prezidentining 2021-yil 5-noyabrdagi “Sport ta'lim muassasalari faoliyatini tubdan 2025-yilgacha rivojlantirish dasturi to‘g‘risida”gi PQ-5280-sonli qarorlari ijrosini ta’minlash maqsadida Uchquduq tuman hududiy Turizm va sport bo‘limi tashabbusi bilan 2008-2009-yillarda tug‘ilgan o’smirlar o’rtasida "Dzyudo" sport turi bo‘yicha tuman birinchiligi musobaqasi o’tkazildi.
Musobaqada tuman “Lochin” sog‘lomlashtirish sport kompleksi va tuman bolalar-o‘smirlar sport maktabidan jami 60 nafar sportchi ishtirok etdi. 
Musobaqada g‘olib bo‘lgan ishtirokchilarga Uchquduq hududiy Turizm va sport bo‘limi tasarrufidagi "Lochin" sog‘lomlashtirish sport kompleksi tomonidan diplom va qimmatbaho esdalik sovg‘alari topshirildi.

Navoiy viloyati Turizm va sport bosh boshqarmasi matbuot xizmati