ITALIYALIK GEOLOG NUROTAGA TASHRIF BUYURDI

     Italiyalik taniqli geolog janob Marko Sekonye Nurota tumaniga tashrif buyurdi. 
     Safar davomida Nurota tumanining koʻzga koʻringan, turizm ixlosmandlarini doimiy oʻziga jalb qilib kelayotgan Qizilqum choʻli, “Aydarkoʻl” suv havzasi Marko Sekonyening eʼtiborini tortdi.
Eng quvonarlisi endigina turizm maskaniga aylantirilayotgan “Chuya” MFYdagi “Dara” qishlogʻi oʻzining togʻli manzarasi, aholisining mehmondoʻstligi bilan sayohatchining hayratiga sazovor boʻldi.
    - Men koʻplab mamlakatlarda boʻlganman va oʻzim uchun kerakli xulosalarni chiqarganman, - dedi Marko Sekonye. – Alohida taʼkidlamoqchimanki, Oʻzbekistonning Nurota deb atalmish moʻjaz goʻshasi nafaqat soʻlim tabiati va madaniy boyliklari, balki, insonlarning boshqa mamlakatlardagiga oʻxshamaydigan samimiyligi, kulib turuvchi chehrasi bilan meni bu yerga albatta yana kelishga undashi tayin.
     Italiyalik geolog-sayyohning viloyatimiz boʻylab sayohati davom etmoqda.