Xalq ta'limi vaziri Jizzax viloyatiga tashrif buyurdi

Oʿrganish jarayoni "Yangi kelajak kasblari" Markazidagi to'garaklardan boshlagan. Vazir bugungi kunda bolalarni zamonaviy bilim va kasb o'rganishlariga ishtiyoqini oshirish, bunda zamonaviy texnologiyalardan foydalanish yuzasidan to'garakning ustoz va murabbiylariga o'z tavsiyalarini bergan.
“Bugun oldimizda turgan asosiy vazifa o'quvchilarning saviyasini, ularni ilm olishga bolgan ishtiyoqini oshirishdan iborat. Eng chekka hududlarda ham o'quvchi jahon standartlari asosida talim olishi lozim. Bunda esa o'qituvchilarimizdan juda katta bilim, mehnat va fidoiylik talab etiladi. Buning uchun esa biz o'qituvchilarimizning bilim berishlari uchun shart-sharoitlarni yaxshilashimiz lozim va bu kelgusi strategiyamizning eng asosiy yo'nalishi boladi”, — deya ta'kidladi vazir.
Shundan so'ng vazir viloyatdagi fizika va matematika faniga ixtisoslashgan yangi maktab qurilishini borib ko'rdi. Vazir yangi maktabda o'quvchilar uchun zamonaviy shart-sharoitlarni yaratish bo'yicha o`z fikr va mulohazalarini bildirdi.