Senator Navoiy shahrida tashkil etilgan davra suhbatida ishtirok etdi

   Senatda doimiy asosda ishlovchi senator Q.Tursunov Navoiy shahrida tashkil etilgan davra suhbatida ishtirok etdi. 
Senator uchrashuv davomida Senatning yigirma toʻrtinchi yalpi majlisida maʼqullangan qonunlar va koʻrib chiqilgan  masalalarning mazmun-mohiyatini tushuntirib, joriy yil may oyida boʻlib oʻtadigan fuqarolar yigʻinlari raislari (oqsaqollari) saylovini tashkil etish masalalari yuzasidan suhbat olib bordi.

Shuningdek, senator Navbahor tumanida aholi murojaatlarini oʻrgandi. Natijada fuqaro G. Ergashevaning murojaati ijobiy hal etiladigan boʻldi.