Saodatsiz ona
Jannat onalar oyog‘i ostidadir, degan payg‘ambarimiz Muhammad SAV. Chunki ona farzandlarini tarbiyali, komil inson, iymonli-e'tiqodli qilib voyaga etkazadi, umrining kuchga to‘lgan vaqtini shu mashg‘uolotlarga sarflaydi.
Ammo, farzandini dunyoga keltirib, boqish, tarbiyalash tashvishini zimmasiga olmagan ayolni kim deb atasak bo‘ladi. Bunday ayollar ikki dunyo saodatidan mosuvo, jazosi muqarrardir.
Bugun shunday ayolga hukm o‘qildi. U o‘z farzandini voyaga yetmagan Xusanov Abror Normurot o‘g‘lini 2022 yil 29 yanvar kuni Xatirchi tumani, “Galabek” mahallasida joylashgan Toxir bobo choyxonasida Z.Jo‘raevaga 4.000 AQSH dollari evaziga sotayotganida huquqni muhofaza qilish organlari tomonidan hibsga olindi.
Ayol farzandini tarbiyalab oilasiga, jamiyatga foydasi tegadigan inson qilib tarbiyalashi mumkin edi. Kelajakda bu farzandning rohat-farog‘atini ko‘rishi mumkin edi. Lekin mehnat qilib boqishni o‘ylamasdan, tekin daromad orttirish maqsadini ko‘zlab, jinoyat sodir etish yo‘liga kirib, «Odam savdosi, ya᾽ni ojiz ahvoldaligi, aybdorga moddiy jihatdan yoki boshqa jihatdan qaram bo‘lgan, o‘n sakkiz yoshga to‘lmaganligi aybdorga ayon bo‘lgan shaxsga nisbatan odam sotish» jinoyatini sodir etdi.
Onaga nisbatan sud o‘z qarorini chiqardi. Ona H.Xursandovani (shaxsi o‘zgartirilgan) sodir etgan jinoyatining xususiyati va ijtimoiy xavflilik darajasini, muqaddam sudlanmaganligini, aybiga iqrorligi, qilmishidan chin ko‘ngildan pushaymonligini, oilaviy sharoiti inobatga olib, O‘zbekiston Respublikasi JKning tegishli moddalari bilan jinoyatni sodir etganlikda aybli deb topilib,
5 yilga ozodlikdan mahrum qilish jazosi tayinlandi.
Sherali Xomidov,
Jinoyat ishlari bo‘yicha Xatirchi tuman sudining raisi
Ctrl
Enter
Xato topdingizmi
Bizga junating Ctrl+EnterBoshqa ma`lumotlar:
Qizlarni Turkiyaga fohishalikka yubormoqchi bo’lgan ayolga Navoiyda hukm o’qildi
Farzandini sotayotgan ona ushlandi
5000 dollarga bolasini pullagan ona
Xitoylik erkakni tunagan qizlar qo’lga olindi
Ta᾽lim –kelajak kaliti
Buxoroda homilador ayol hali tug‘ilmagan bolasini 50 million so‘mga sotishga urindi
Izohlar (0)