Jazirama issiqda maishiy gaz ballondan xavfsiz foydalaning!

23 июль 2022

289

Ayni kunlarda havo harorati ko‘tarilib, fuqarolarga muntazam ravishda jazirama issiqdan saqlanish bo‘yicha zarur tavsiyalar berilmoqda. Bunday ob-havoda gaz ta’minotidan foydalanishda xavfsizlik qoidalariga amal qilish ham maqsadga muvofiqdir. Ayniqsa, suyultirilgan gaz bilan ta’minlanadigan iste’molchilar maishiy gaz ballondan foydalanish borasida e’tiborni oshirishlari talab etiladi.

Bu borada "Hududgaz Navoiy" gaz ta’minoti filiali mas’ul xodimi Axtam Roziqov shundae tavsiya qiladi:
- Suyultirilgan uglevodorodli gaz bilan to‘ldirilgan maishiy gaz ballonlari quyosh nuri tushmaydigan, salqin joyda saqlanishi kerak. Maishiy gaz balonni xonaning tashqari qismiga o‘rnatish, alohida temir shkafda saqlash tavsiya etiladi. Bo‘sh va suyultirilgan gazli ballonlarni xona hamda yerto‘lalarda saqlash ta’qiqlanadi. Shuningdek, gazlashtirilgan xonaga 50/55 litr sig‘imli ballondan bittadan ortiq yoki har birining sig‘imi 27 litr bo‘lgan ballondan ikkitadan ortiq qo‘yish mumkin emas. Ballonlarni qizishdan saqlaydigan to‘siq o‘rnatilgan bo‘lsa, ballon bilan isitish asbobining oralig‘i 0,5 m gacha kamaytirilishi mumkin. Ballon bilan to‘siqning oralig‘i 10 sm dan, ballonlar bilan o‘t yoqish eshigining oralig‘i 2 m dan kam bo‘lmasligi kerak. Xonaga o‘rnatilgan ballonlar almashtirilayotganda, elektr yoritkichlarni yoqib-o‘chirish, ochiq olovdan, elektr isitish asboblari va isitish pechkalaridan foydalanish ta’qiqlanadi. Ballonlarni almashtirish ishlari bilan bog‘liq bo‘lmagan shaxslar borligida ballonlarni almashtirish ham noxush holatlarga sabab bo‘lishi mumkin.