Tomdilik yoshlar uchun ajoyib sovgʻa

Navoiy viloyatining olis va choʻl hududlaridan boʻlgan Tomdi tumanida raqamli texnologiyalar oʻquv markazi oʻz ish faoliyatini boshladi.
Mazkur oʻquv markaziga IT Park tomonidan toʻliq mebel jihozlari va zamonaviy kompyuter texnikalari bilan jihozlangan boʻlib, aholi va yoshlarning zamonaviy axborot texnologiyalari sohasida bilim egallashlari hamda malakasini oshirishlari uchun zarur boʻlgan barcha shart-sharoitlar yaratilgan.
Kelgusida tuman yoshlari ushbu oʻquv markazida kompyuter savodxonligi, dasturlash, robototexnika, internetdan foydalanish hamda boshqa bir qator yoʻnalishlarda oʻz bilimlarini oshiradilar.
Bugungi kunda viloyatning 8 ta - Karmana, Xatirchi, Qiziltepa, Nurota, Uchquduq tumanlari, Navoiy va Zarafshon shahrida oʻquv markazlar faoliyati yoʻlga qoʻyilgan.