Gʻazal

                                                           Zahriddin Muhammad Bobur
 
Keltursa yuz baloni oʻshal bevafo manga,
Kelsun agar yuzumni evursam, balo manga!

Netgaymen ul rafiq bilakim, qilur base,
Mehru vafo — raqibgʻa, javru jafo — manga.

Begona boʻlsa aql meni telbadin, ne tong,
Chun boʻldi ul parisifatim oshno manga.

Ohu yoshimdin ortadurur zaʼf, ey tabib,
Bildim: yarashmas emdi bu obu havo manga.

Dardim koʻrub, muolajada zoeʼ etma umr —
Kim, jonda dardi ishqdurur bedavo manga.

To yor kimni iyetaru koʻngliga kim yoqar,
Tashvish bejihatdurur oxir sango, manga.

Bobur, boʻlubturur ikki koʻzum yoʻlida toʻrt,
Kelsa ne boʻldi qoshima bir-bir mango manga.