Alkogol mahsulotlarini qoʻlbola usulda tayyorlayotgan tsex fosh etildi

Bosh prokuratura huzuridagi Departament hamda DXXning Narpay tumani boʻlimlari tomonidan IIB bilan oʻtkazilgan tezkor tadbirda, tumandagi “Zirabuloq” MFYda yashovchi fuqaro U.I. oʻz uyida yashirin tsex tashkil qilib, turli alkogol mahsulotlarini "QARATAW" nomli alkogol mahsulotining boʻsh shishalariga quyib, ushbu brend ostida qoʻlbola usulda tayyorlangan alkogol mahsulotlarini “Mirbozor” dehqon bozori atrofida muomalaga kiritib kelganligi aniqlanib, ushbu xonadondan umumiy qiymati 215,5 mln soʻmlik 8 555 dona turli xil nomdagi alkogol mahsulotlari, 1 455 dona aksiz markalar va asbob uskunalar ashyoviy dalil sifatida olingan.
Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qoʻzgʻatilib, tergov harakatlari oʻtkazilmoqda.