460 gektar yerni tadbirkorning nomiga o‘tkazib berish uchun 3 mln 720 ming dollari olayotgan shaxs ushlandi

Qibraylik tadbirkor (ismi oshkor qilinmagan) bog‘dorchilik va chorva mollariga yaylov uchun yer ajratilishini so‘rab, o‘zi yashayotgan tuman hamda Toshkent viloyatining boshqa tumanlari hokimliklariga murojaat qiladi. Biroq bu murojaatlar kutilgan natijani bermaydi.
Tadbirkorning azbaroyi qatnovidan amaldor “tilga kiradi”. Tadbirkordan 460 gektar yerni uning nomiga o‘tkazib berish uchun 3 million 720 ming AQSH dollari miqdorida pora olayotgan shaxs Davlat xavfsizlik xizmati xodimlari tomonidan ushlandi.