9 ming dollar olgan vaqtida ushlandi

Bosh prokuratura huzuridagi Departament, DXX va IIBning Qibray tumani boʻlimlari tomonidan tezkor tadbir oʻtkazilgan. Tadbir davomida X.A. ismli shaxs ikki nafar fuqaroni yuqori lavozimda ishlovchi tanishlari orqali Chirchiq davlat pedagogika institutiga oʻqishga kiritib qoʻyishga ishontirgani aniqlangan. Xizmati evaziga u abituriyentlarning har biridan 4,5 ming dollardan, jami 9 ming dollar olgan vaqtida ashyoviy dalillar bilan ushlangan.