Toshkentda suv hisoblashning yangi tizimi joriy etiladi

Toshkentda suv hisoblashning yangi tizimi joriy etiladi
 
Oʻzbekiston Respublikasi Uy-joy kommunal xizmat koʻrsatish vazirligi va Fransiyaning Suez International Toshkent shahri uchun suv hisoblashning intellektual tizimini joriy qilish boʻyicha hamkorlikdagi tadbirlar toʻgʻrisidagi Memorandumni imzoladi.

2020-yilning mart oyida Suez International kompaniyasi, Toshkent shahar hokimligi, TSST (avvalgi SUVSOZ) va Oʻzbekiston Respublikasi Uy-joy kommunal xizmat koʻrsatish vazirligi “Toshkentda suv taʼminoti transformatsiyasi rejasi” loyihasini amalga oshirish doirasida birgalikda boshqaruv toʻgʻrisidagi kelishuvni imzolagan edilar.

Birgalikda boshqaruv toʻgʻrisidagi kelishuv qator innovatsiyalarni joriy etish, nou-xaularni kiritish, nazorat koʻrsatkich va tizimlari, tahlil instrumentlari, raqamli transformatsiya, texnik yordam va xodimlarni oʻqitish orqali suv taʼminoti va suv chiqarilishi operatorining imkoniyatlarini kengaytirish va faoliyat samaradorligini oshirishni nazarda tutadi.